சென்னை: மறைந்த திமுக தலைவர் கருணாநிதி சிலையை குடியரசு துணைத் தலைவர் வெங்கய்ய நாயுடு திறந்துவைப்பது, பேரறிவாளன் விடுதலை விவகாரம் உள்ளிட்ட நிகழ்வுகள், காங்கிரஸை விட்டு விலகி பாஜகவை திமுக நெருங்கிச் செல்கிறதோ என்ற எண்ணத்தை ஏற்படுத்தியுள்ளது.
குடியரசுத் தலைவர் ராம்நாத் கோவிந்தின் பதவிக் காலம் வரும் ஜூலை மாதத்துடன் நிறைவு பெறுகிறது. குடியரசுத் தலைவர் தேர்தல் எம்.பி., எம்எல்ஏக்களின் பிரதிநிதித்துவம் அடங்கிய வாக்காளர் குழும வாக்கு அடிப்படையில் நடைபெறுவதால், பாஜகவுக்கு 9,194 வாக்குகள் தேவைப்படுவதாக கணிக்கப்பட்டுள்ளது. இதையடுத்து, ஆந்திராவில் ஒய்எஸ்ஆர் காங்கிரஸ், தெலங்கானாவில் தெலங்கானா ராஷ்டிர சமிதி (டிஆர்எஸ்), ஒடிசாவில் பிஜு ஜனதா தளம் உள்ளிட்ட மாநிலக் கட்சிகளின் ஆதரவை பெற பாஜக முயற்சித்து வருகிறது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
