முன்னாள் அமைச்சர் செங்கோட்டையனின் தீவிர ஆதரவாளர்களாக இருந்த ஈரோடு மாவட்ட முக்கியநிர்வாகிகள், திமுகவில் இணைந்துள்ளது அதிமுக வட்டாரத்தில் அதிர்ச்சியை ஏற்படுத்தியுள்ளது.
அதிமுகவின் மாநில வர்த்தக அணிச் செயலாளர் சிந்து ரவிச்சந்திரன், ஈரோடு எம்ஜிஆர் மன்றஇணைச் செயலாளரும், முன்னாள் எம்எல்ஏவுமான கே.ஆர்.கந்தசாமி, எம்ஜிஆர் இளைஞரணிச் செயலாளர் எஸ்.பி.ரமேஷ், சத்தியமங்கலம் தெற்கு ஒன்றியச் செயலாளர் வி.சி.வரதராஜ், கோபி நகரச்செயலாளர் பி.கே.காளியப்பன் ஆகியோர் நேற்று காலை அதிமுகவின் அடிப்படை உறுப்பினர் பதவியில் இருந்து நீக்கப்பட்டனர். இதைத்தொடர்ந்து நேற்று திமுக தலைவர் மு.க.ஸ்டாலின் முன்னிலையில் அவர்கள் திமுகவில் இணைந்தனர்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
