சென்னை உயர் நீதிமன்ற தலைமை நீதிபதி சஞ்ஜிப் பானர்ஜியை மேகாலயா உயர் நீதிமன்றத்துக்கு இடமாற்றம் செய்ய உச்சநீதிமன்ற கொலீஜியம் பரிந்துரை செய்திருந்தது. அவரை இடமாற்றம் செய்வதற்கு வழக்கறிஞர்கள் அமைப்புகள், மூத்த வழக்கறிஞர்கள் எதிர்ப்புத் தெரிவித்திருந்த நிலையில், சஞ்ஜிப் பானர்ஜியை மேகாலயா உயர் நீதிமன்றத்துக்கு இடமாற்றம் செய்து, குடியரசுத் தலைவர் நேற்று முன்தினம் உத்தரவிட்டிருந்தார்.
இதனால், அவருக்கு உயர் நீதிமன்றத்தில் பிரிவு உபச்சார விழா நடத்த வழக்கறிஞர்கள் சங்கத்தினர் திட்டமிட்டு இருந்தனர். இந்நிலையில், சஞ்ஜிப் பானர்ஜி பிரிவுஉபச்சார விழாவைப் புறக்கணித்துவிட்டு நேற்று காலையிலேயே குடும்பத்துடன் காரில் கொல்கத்தாவுக்கு புறப்பட்டுச் சென்றார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
