பண்ருட்டி வட்டாட்சியர் அலுவலக வளாகத்தில் இருந்த மரங்கள் திடீரென மாயமாகியிருப்பதோடு, அவைகள் கரோனா பொதுமுடக்க காலத்தில் வெட்டப்பட்டு செங்கல் சூளைக்கு அனுப்பபட்டதாகக் கூறப்படுகிறது.
பண்ருட்டி கெடிலம் ஆற்றுக் கரையோரம் சுமார் 6 ஏக்கர் பரப்பளவில் வட்டாட்சியர் அலுவலகம் இயங்கிவருகிறது. அலுவலக வளாகத்தின் கிழக்குப் பகுதியில் இருந்த 50 ஆண்டுகால புளியமரம், இலுப்பை மரம், பனைமரம் உள்ளிட்டவை திடீரென மாயமாகியிருந்ததோடு, ஆற்றை ஒட்டிய பகுதியில் மண்ணும் வெட்டப்பட்டிருப்பது தெரியவந்தது. இதையடுத்து அலுவலக ஊழியர்களிடம் விசாரித்தபோது, "அலுவலகத்தின் சுற்றுப்புறத்தில் கருவேல மரங்கள் இருந்தன. அவற்றையெல்லாம் வெட்டி சுத்தம் செய்தனர். ஆனால் மரங்கள் என்னவானது என தங்களுக்குத் தெரியாது" என்று தெரிவித்தனர். இதையடுத்து பெயர் கூற விரும்பாத ஊழியர் ஒருவர் கூறுகையில்," கடந்த ஜூன் மாதம் கரோனா பொதுமுடக்கத்தின் போது, மரங்கள் வெட்டப்பட்டு 16 லாரிகளில் கொண்டு செல்லப் பட்டன.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
