சென்னை: கரோனா பரவலை கட்டுப்படுத்த நேற்று அமல்படுத்தப்பட்ட முழு ஊரடங்கால் தமிழகமே முடங்கியது. சாலைகள் வெறிச்சோடின. அத்தியாவசியப் பணிகளுக்கு மட்டும் உரிய கட்டுப்பாடுகளுடன் வாகனங்கள் அனுமதிக்கப்பட்டன. தேவையின்றி சுற்றித் திரிந்தவர்கள் மீது போலீஸார் வழக்கு பதிவு செய்தனர்.
நாடு முழுவதும் கரோனா மற்றும் ஒமைக்ரான் பரவல் அதிகரித்து வருகிறது.தமிழகத்தில் தினசரி கரோனா பாதிப்பு10 ஆயிரத்தை கடந்துள்ளது. இதையடுத்து, தொற்று பரவலை தடுக்க பல்வேறு கட்டுப்பாடுகளை தமிழக அரசு அறிவித்துள்ளது. கடந்த ஜன.3-ம் தேதி கரோனா பரவல் தொடர்பாக முதல்வர் மு.க.ஸ்டாலின் ஆலோசனை நடத்தினார். அப்போது, ஊரடங்கில் சில புதிய கட்டுப்பாடுகளை அறிவித்தார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
