ராணிப்பேட்டை மாவட்ட ஆட்சியர் அலுவலகத்தில் மக்கள் குறைதீர்வு கூட்டம் நேற்று நடைபெற்றது. மாவட்ட ஆட்சியர் பாஸ்கர பாண்டியன் தலைமையில் அதிகாரிகள் பொதுமக்களிடம் இருந்து கோரிக்கை மனுக்களை பெற்று அந்தந்த துறைகளுக்கு அனுப்பி நடவடிக்கை எடுக்க பரிந்துரை செய்தனர். கூட்டத்தில் மொத்தம் 238 மனுக்கள் பெறப்பட்டன.
இந்நிலையில், மேல்விஷாரம் சாதிக்பாட்ஷா நகரைச் சேர்ந்த பொதுமக்கள், ஆட்சியர் பாஸ்கர பாண்டியனிடம் முறையிட்டனர். அவர்கள் அளித்த மனுவில், ‘‘தங்களது வீடுகள் நீர்பிடிப்பு பகுதி என்பதால் தங்களது வீடுகள் அப்புறப்படுத்தும் பணி நடைபெற்று வருகிறது. தங்களுக்கு மாற்று இடத்தில் வீட்டுமனைப்பட்டா வழங்க நடவடிக்கை எடுக்க வேண்டும்’’ என தெரிவித்தனர்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
