விருதுநகர்: திமுகவின் முப்பெரும் விழா விருதுநகரில் இன்று நடந்தது. இதில் கலந்துகொண்ட முதல்வர் ஸ்டாலின் திமுகவின் மூத்த நிர்வாகிகளுக்கு விருது வழங்கினார்.
கூட்டத்தில் பேசிய ஸ்டாலின், "இந்தியாவில் உள்ள அனைத்து மாநிலங்களுடனும் ஒப்பிட்டால் பெரும்பாலான வளர்ச்சிக் குறியீடுகளில் முன்னணி மாநிலமாக தமிழ்நாடு இருக்கிறது. இந்தியாவில் உள்ள அனைத்து மாநிலங்களின் ஒட்டுமொத்த உள்நாட்டு உற்பத்தியைப் பொறுத்தவரை மகாராஷ்டிராவுக்கு அடுத்ததாக தமிழ்நாடு இருக்கிறது. உலக சுகாதார அமைப்பானது ஆயிரம் பேருக்கு ஒரு மருத்துவர் இருக்க வேண்டும் என்பதை வலியுறுத்துகிறது. ஆனால், தமிழ்நாட்டில் 253 பேருக்கு ஒரு மருத்துவர் என்ற விகிதத்தில் மருத்துவர்கள் இருக்கிறார்கள். இந்திய அளவிலான தனிநபர் வருவானத்தை விட, தமிழ்நாட்டில் தனிநபர் வருவாய் என்பது அதிகம்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
