ஆவின் பாலின் விலையை லிட்டருக்கு ரூ.3 குறைத்ததன் எதிரொலியாக, தமிழகத்தில் 1.98 லட்சம் லிட்டர் பால் கூடுதலாக விற்பனையாகி வருகிறது.
தமிழக பால்வளத் துறையின்கீழ் செயல்படும் ஆவின் நிறுவனம், தமிழகம் முழுவதுமிருந்து நாளொன்றுக்கு 41 லட்சம் லிட்டர் பால் வரை கொள்முதல் செய்கிறது. இதில் சென்னை மற்றும் புறநகர் பகுதிகளில் கூட்டுறவு பால் உற்பத்தியாளர்கள் இணையம் மூலமாக நாளொன்றுக்கு சராசரியாக 12.65 லட்சம் லிட்டர், 25 மாவட்ட ஒன்றியம் மூலமாக சராசரியாக 12.02 லட்சம் லிட்டர் என மொத்தம் 24.67 லட்சம் லிட்டர் பாலை நாளொன்றுக்கு விற்பனை செய்தது. மீதமுள்ள பாலை, ஆவின் பால் பொருட்கள் செய்யப் பயன்படுத்துகிறது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
